Opnunartími Söguseturs Íslenska fjárhundsins

Haustið er gengið í garð, og því verða bráðum breytingar á opnunartíma Sögusetursins.

Út september er opið daglega (nema 26. september þegar réttað verður í Laufskálarétt) frá kl. 9–18. Að því loknu opnum við eftir þörfum í haust og vetur.

Þar sem við erum heima flesta daga, eða oft bara stutt frá, getum við opnað í flestum tilvikum. Til að tryggja að við séum við mælum við með að hafa samband símleiðis eða með tölvupósti.

Hús Sögusetursins fékk smá andlitslyftingu í ágúst og við erum mjög ánægð með útkomuna. Nú vantar bara lítinn pall við innganginn; annars er allt eins og við viljum hafa það.